إضغط هنا للذهاب إلى ----------------------------------------------------- صفحة الشاعر / رميزان التميمي صفحة الشاعر / تركي بن ماضي صفحة الشاعر / محمد بن لعبون صفحة الشاعر / ابراهيم بن جعيثن صفحة الشاعر / راشد ابو دباس صفحة الشاعر / حمد عبدالله المعجل صفحة الشاعر / حمد عبدالكريم المعجل صفحة الشاعر / ابراهيم المزيد صفحة من فاكهة شعر النبطي ----------------------------------------------------- صفحة من أشهر قصائد الحكم صفحة من أشهر قصائد الرثاء صفحة من أشهر قصائد الغزل صفحة من أشهر قصائد التوجد والدعاء صفحة قصائد خاصة -----------------------------------------------------

لا يزال هناك اضافات في هذه الصفحة إن شاء الله

قصائد غزليـــه

قصيدة / حي المنازل شمال الكوت

حي  المنازل  شمال  الكـوت تحية  الريم  حواشـــــه منازلٍ  يا فهد  وبيــــوت مداهل  الحص  وقماشـــه عرايبٍ  حسنهن منعـــوت وعزي  لمن هيضن  جاشـه طرادهن  ما يذوق  القــوت وعينه عن النوم  منحاشــه وتمر  في كل  عصر  وتفوت تضحك وهي  عاد  غشاشـه أطلب عسى  يا ملا  ما  موت إلا على شرشف فراشـــه

قصيدة / طقيت بابٍ على الرعبوب

طقيت بابٍ على  الرعبــوب وايق مع  السطح  نابانــي يقول لي  ما قفك  مقضــوب في  ربعة  البيت  عدوانـي أطلب عسى اهل الحسد بغيوب صمٍ   وبكمٍ   وعميانـــي يالله عسى  ميتـتي  محبـوب في  حضن مدعوج الاعياني والِى نويت  اتركه  واتــوب لاقاني الترف واغوانـــي

قصيدة / ألا يابارق يوضي جناحه - الصفحه الاولى

ألا يا بارقٍ يوضي جناحــــه شمالٍ وأبعــد الخلان عـــنّي على دارٍ بشرقيّ  البراحــــه أقفرت ما بهـا كـود الهَبَنِّـــي لَكِنْ بْها عُـقب  ذيك الشَّراحــه إلـى مرَّيـت بسم الله  جِنّـــي يفز القلب  فيهـا للصباحــــه إلـى قامت حمامتهـا  تغنـــي توصّينـي لا هلهـا بالنِّياحـــه يعـود إن الحمامـة خيْر مِنّــي وأنا إن كان لي بالنــوح راحـه فانـا بانوح دهـري  ما أونّــي وترى الهم والسلــوى  نصاحـه ولا تسليـن سوانـي أو منّـــي وأنا ما نيـب مثلـك  بالوقاحــه على ذا الطوف طـرْبٍ وامتهنـي ولا رجـعت فـن فـي براحــه على نبنـوب غصـنٍ مَرْجحَنّـي وقالـت جامـعٍ كـل الشراحــه ولا انت بسامعٍ  ذا الصوت منّـي ومثلـك يدّعي  زايـد فصاحــه وطريح الغَيْ  لا رمتـه يوِنّــي أبات اللّيـل في رجوا  صباحــه وادق من النِّدَمْ  بالعـود سنــي علـى فقـدي لغـزلان  الملاحـه طويـلات المعانـق واسفهنــي ولا ثوبـي غدا يطرخ اشلاحــه يـدق القاع  ردنه و متثنـــي ولا أردح جـزت من ذيك الرداحه عقـب خبرك ليالٍ لـي مضنـي عليهـم صار في خدي  قراحــه من الفرقـا وشفنـي ويش كنـي

قصيدة / ألا يابارق يوضي جناحه - الصفحه الثانيه

وقالـت من مشى  مثلك بساحــه وحاله حال  من كثـر التغنــي وفي بحر الهوى يسبـح سباحــه كثـر شربه ولا هوب امتهنــي أو من فتـق أفتـوقٍ بالفصاحــه وعرض مذهبـه شيعي و سنـي أو من خلى البني  بكل ساحـــه يخفقــن الدفوف بكل فنـــي أنا ولا أنت يامـن  في مزاحــه يعرضنـي المنى بي بالتمنــي قلـت لها ودمعــي بانسفاحــه سقـا السفح  من ذاك المغنــي عسـى من كاذب يكسـر جناحـه ولا يحضـى  بحبـه و التمنـي فسـاد الغي  ردك عن صلاحــه وأنساك الثـنى لاهـل التثـنـي وأهل ذيك اللطافــه والسماحــه رعا الله عيشهــن  ياما رعني ولكـن يوم صبـري منك ماحــه أعنادك لي  وقصـدك تمتحنـي فقــوم وشوف لوني كالمحاحــه وأهـل هالقيـل ما يحكون عني فعـاد اليـوم لومك لي قباحـــه وضنك بالهوى أخلاف ضنــي علـى الله الهدى  يامن صلاحــه إلى جنـت بنات الشوق  حنـي حديثه بالهـوى تروى اصحاحــه ضعيفات النسايـم بي ترنــي عن الضحاك عن مبســم أقاحـه عن البراق  عن ثغره رونــي حبيبـي كلما هبـت  ارياحـــه سفى للريح  نوج ضاع منــي

هجــاء

قصيدة / ذا حِس طارٍ او ضميرك خفوقه - الصفحه الاولى

ذا حِس طـارٍ او ضميـرك  خفوقـهْ يـدقّ به من نـازح البيــن دَقَّــاق الحيّ هُـو حيـك وطابـت وفوقــهْ والدار هي دارك وهذيــك  الاسـواق يا عبيد خـل اللي  تشكـل بسوقــهْ شيـخٍ وهو عبـدٍ يذكـر بالاعمــاق يا قلب وان كانت علومـك صدوقــهْ بينـك وبيــن الدار عهـدٍ  وميثـاق شرواك ينشـد عن مغانـي تروقــهْ حيثك محـبٍّ للمغانــي  ومشتــاق تذكـر بها عيش مضـى ما تذوقــهْ يا عونـة الله يـوم تقسيــم الارزاق إلا ولـك فيهــا مقــامٍ طروقــهْ يا عبيـد لبسك ناعــم الشاش ورقاق العبـد عبــدٍ هافيــاتٍ  عموقــهْ ان جاع بـاق عمومتـه وان شبع ماق والحـرّ حــرٍّ يرفعنــه سبوقــهْ والبـوم يلعـي  بين الاَسواقْ  خفـاق بع بالهجيـر وصال حـيٍّ  تشوقــهْ دارٍ عساهــا للرزايــا بتيفـــاق دار الثنــا للـي بهـا  والمعوقــهْ لو هي عـن الدولة على سبعة  احواق دارٍ بهـا الوالــد كثيـرٍ  عقوقــهْ واللي يعقونـه مصليــن الاشــراق راعي الوفـا منهم عميلـه  يبوقــهْ تلقـاه حــلافٍ مهيــنٍ و مــلاق بأركانها المستـور ضاعـت حقوقـهْ وحقوق دانـي الجد جـت له بالاوفاق يمسـي عريـب الخال فيها و نوقـهْ ترعـى من الوجلا بها نـور الاشفاق يغدي صبوحـه في جباهـا  غبوقـهْ في نازح البيــدا من اللال رقـراق كم جـر مصقول النمايـم  بسوقــهْ عليك لبـقٍ في منابـاه  ورقـــاق دون العشايــر هافيـاتٍ عروقــهْ والفعـل ما يعتاض به طيرة  الغـاق

قصيدة / ذا حِس طارٍ او ضميرك خفوقه - الصفحه الثانيه

ما بين شقـاقٍ ورافــي شقوقـــهْ وشمات مخلوقٍ وعصيـان خــلاق تلقـى بها هذا  علـى ذا يسوقـــهْ الله يعـزك و الخواندات  بزحــاق يامـال هطـالٍ صـدُوقٍ حقوقـــهْ يشبه كما ليلٍ على صبـحٍ انســاق ياضـي كما حرب النصارى بروقـهْ يطرب له البهلول منهـم ويشتــاق يفتــل نداف الطهـا من  طبوقــهْ مثل النعام ان ذارهن زول  تفــاق ترفا مريضـات النسايــم فتوقــهْ لجبٍ عسى ما في نوِيه بتيفـــاق تسوقه الغربـي والأخـرى تعوقــهْ مترادفٍ مبناه طاقٍ على طـــاق يفتـر عن مثـل الدحاريج  موقــهْ أربع ليالٍ مدلجاتٍ  على ســـاق وخامس تشوف الدار و الثلج فوقــهْ مثـل السرير مجللٍ عاد بــرواق تلقى العذارى حسـرٍ  في صفوقــهْ ياضي لميع خدودهن  مثل الاوراق بين الطموح وبين من شاف شوقــهْ صرعى بها من غير خمرٍ وترياق تسمـع بذا زَجرْ الملك  في صعوقـهْ قضى القضا وَالتَّفت السَّاق  بالسَّاق عمـت مغانـي لاهيٍ في  فْسُوقــهْ يظنها خِضْر بن دابيل  و اسحـاق رواد بهُـمْ ما رادْ بيضـا سحُوقــهْ من طولها تمضي على سبعه اطباق منشي الخيال الى غشى في  شروقـهْ يحده اللاهب ويغويــه  بــراق كل النجيــب وكل مالـه يسوقــهْ وكل العقب ومن بغا الطيب ما ماق واللي يرى ضـد الوفـا ما يذوقــهْ يدق به من نازح البين  دقـــاق

رثــاء

قصيدة / سقى صوب الحي مزن تهامى - الصفحة الاولى

سقـى صوب الحي مِزنٍ تَهامَــى علــى قبـرٍ بتلعات الحجــازي يعط بها البختـري والخزامـــى وترتـع فيه طفلات الجـــوازي وغَنَّــى رَاعْبيّـات الحمــامـا على ذيـك المشاريف  النّــوازي صـلاة الله منـي  و السّلامـــا على من فيه بالغفران فــــازي عفيـف الجيــب  ما داس الملاما ولا وقَّفْ على طرق  المخــازي عَذُولــي به عنـودٍ  ما يرامــا ثِقيــلٍ من ثقيــلات المـرازي أبو زرقا علــى خــده  علامـا تحلاهـا كما نقشٍ  بغــــازي عليــه قلوب عشاقــه ترامــا تكسـر مثل تكسير القـــزازي ألا يا ويــل من جفنــه على ما مضـى له عن لذيذ النوم جـازي ومن قلبــه إلى هـب  النعامــا يجرونـه على مثل  الخــزازي تكــدر ماصفــى ياما ويامــا صفـا لي من تدانيه  المجــازي ليالـي مشربـي صفو  المُدامــا وثوب الغَـيْ مَنْقُـوش الطِّـرازي مضـى بوصالها خمسة  عوامــا وعشـرٍ كنهـن احزاة حــازي بفقدي له ووجــدي و الغرامــا تعلمت النياحـه  و التعـــازي وصرت بوحشةٍ من ريـم رامــا ومن فرقاه مثـل  الخازبــازي

قصيدة / سقى صوب الحي مزن تهامى - الصفحة الثانيه

عذولــي في هواهـا بالملامــا يعزينـي وأنا مانيـب عـــازي وكـل البيض عقبـه لو تسامــى فلا والله تسوى اليــوم غــازي ســلينا لا حـلال ولا  حرامــا عليهــن الطلاق بلا جـــوازي وحيــاة الشـوق فيها والهيامــا وقـدٍّ منه يهتــز اهتـــزازي وخــدٍّ تــمّ به بـدر التمامــا وجعـدٍ فوق منبـوز العجــازي فــلا بي عقبهــا زاد ولامــا وجزت من الغوى والغـي  جازي وخضـت ابحور ليعاتٍ  تطامــا خلاف الانس ضاقـت وين  ابازي نِكِيــف الهم في قلبـي  ترامــا وجيش البيـن بالغزوان غــازي اريده وانكســر كسر  السلامــا بِسَيـفٍ جَرّدَهْ ما هُـوب هـازي علي بخت الدهــر ليته  تعامــا وخلاهـا وليتـه  ما يـــوازي لـيتي ما حكيــت بها وأنا مــا بكيــت الها وفي قلبي حـزازي أظــلّ مساقــمٍ دوم  الدوامــا وهمومـي فيه تتحـاز انحيـازي الا يالله يـامــن  بالملامــــا يسلّــم يوم تـرزاه الــروازي اسَلَّـــمْ لـه ولا رَد السَّلامـــا عَزيــزٍ من عَزِيزاتٍ  عـزازي وصــلاة الله منـيِّ والسَّلامـــا عَلَـى قَبْـرٍ بْتَلْعَـات الحجـازي

للعودة الى اعلى الصفحة