فتنة
الحفل
| كل خطوة بروق وكل لفحه صهيل | فتنة الحفل زيدي مشيتك بخترة |
| اقطعيها ياشين عاشق مو هبيل | باقي بين عقلي والجنون شعرة |
| خلي النار تاخذ رمز غير الفتيل | خلي الارض تاخذ شكل غير الكرة |
| ومن غدى الصبح وجهك قلت مالي مقيل | من غدى الليل شعرك قلت انا بسهرة |
| ارحلي في سكونك واسكني في الرحيل | ارقصي .. ارقصي بين حد الذنب والمغفرة |
| واثبتي كنك الفضه بعين البخيل | ارجفي كنك الماء فززته حجرة |
| واوقفي مثل فزعات بدوي اصيل | وانحني مثل غصن في طرفه ثمرة |
| تزرع الليل صبح وتزرع الصبح ليل | والفحي علمينا كيف تقدر مرة |
| كامنً في بياضاً اوله يستحيل | في عيونك سواد يستحيل اخرة |
| اشهد انه عزيز واشهد انه ذليل | واحد تخزرين وما يجيك خبرة |
| يخبر الناس وش معنى جميل في جميل | اترك العقد بين الجد والغشمرة |
| ينتفض يذعر الي مذعرينه قبيل | كن في الصدر ظبي عيوننا تذعرة |
| كن لك عقد در وعقد من سلسبيل | ومفرق الصدر حبة العرق تجهرة |
| عقد وده يجف وعقد وده يسيل | بينهم حسد ربي بعد ما صورة |
| شفت مثلي نحيل زم حمل ثقيل | اهـ ولا لمحتك مقبله مدبرة |
| دام ذا خصر وش لي بالخواتم بديل | دام ذا عجز وش للناس بالمقدرة |
| به قليلاً كثيراً وبه كثيراً قليل | وسط ثوباً خيوطه صمت في ثرثرة |
| فيه فتنه قصير وفيه حشمت طويل | كل شيء بجسمك يفضحه يستره |
| وكنه دامح الزله عن الي يعيل | كنه المخطي الي يطلب المعذرة |
| الله اعلم لو ان الريح هبت تميل | في ردونه نقوش له سنابل ذرة |
| اقرب من النفس وابعد من المستحيل | كل شيء ونقيضه فيك بالمسطرة |
| وكنك الصدق ولكن مافي يدينا دليل | كنك الكذب لكن محدا ينكرة |
| لاجل اطاول بحرفي شامخات النخيل | باشت الغيد زيدي مشيتك بخترة |
| تغرق في اوسط اوزانه بحور الخليل | شاعر تلمس ايدينك على دفترة |
| فـهـد عـافـــت |