( وقال شاعر بني تميم عبدالله بن صقيه يمدح قبيلة السهول  :

كل يعرفها ويعرف وفاها ....... كبار البيوت اللي يكرّم بها الضيف

يفرح بها الساري بمظلم دجاها ...... ما حسبوا بالقل كثــر المصاريف

مثل العدود اللي طويل رشاها......  ماهمب حسو  ينغرف بالمغاريف

عدود ما ينزح من الورد ماها......   تنـراد بالكنه وتنـراد بالصيف

للضيف بالشدات عجلٍ قراها....... وعنـــد الملاقا يفرقون المواليف

مع القرى للضيف حلوٍ نباها.......  يـوم البخيل قراه كثر السواليف

قبيلة لى نازعوها خصماها...... فـرسان بظهور الامهار المزاغيف

وبال من هو من هباله نواها......... ستر العفايف ضامرات السراجيف

مدحي لهم ما قصدي أرجي عطاها......  مانيب من ينظم بيوته على الزيف

تستاهل الحشمة   سواعد لحاها......   تنشر لها البيضا بروس المشاريف * )

_______________________

* من كتاب الأخ عبد الله بن سعود السبيعي ( نسب سبيع والسهول )  .